Нэхэмжлэх гэж юу вэ
Нэхэмжлэх нь бараа нийлүүлсэн, ажил гүйцэтгэсэн, үйлчилгээ үзүүлсний төлбөрийг худалдан авагчаас албан ёсоор шаардах баримт юм.
Байгууллагууд Сангийн сайдын 2017 оны 347 дугаар тушаалаар батлагдсан анхан шатны баримтын маягт — НХМаягт Т-1-ийг ашигладаг.
Нэхэмжлэх маягтад юу бичдэг вэ
- Нэхэмжлэгч — байгууллагын нэр, хаяг, утас, банк, дансны дугаар, регистрийн дугаар
- Төлөгч — байгууллагын нэр, хаяг, гэрээний дугаар
- Огноо — нэхэмжилсэн огноо, төлбөр хийх хугацаа
- Гүйлгээний утга — бараа, ажил, үйлчилгээний нэр, тоо хэмжээ, нэгжийн үнэ, нийт үнэ
- Дүн — дүн, НӨАТ, нийт дүн, мөнгөний дүн үсгээр
- Баталгаажуулалт — тамга, захирал, нягтлан бодогчийн гарын үсэг
Нэхэмжлэх хэрхэн үүсгэх вэ
- Нэхэмжлэгчийн мэдээллээ нэг удаа оруулна — лого, тамга, гарын үсэг хамт хадгалагдана.
- Төлөгч байгууллагыг бичнэ эсвэл өмнө нь нэхэмжилсэн байгууллагаас сонгоно.
- Бараа, үйлчилгээгээ мөр мөрөөр нэмнэ — нийт дүн, НӨАТ, үсгээр бичсэн дүн автоматаар гарна.
- PDF эсвэл Word товч дарж татна. Дараагийн нэхэмжлэхийн дугаар автоматаар нэмэгдэнэ.
Нэхэмжлэх ба зарлагын баримтын ялгаа
Нэхэмжлэх (Т-1) нь төлбөр шаардах баримт. Зарлагын баримт (НХМаягт БМ-3) нь агуулахаас бараа, материал гаргаж
хүлээлгэн өгснийг баталгаажуулна. Хоёуланг нь энэ хэрэгслээр үүсгэж болно — дээд талын «Зарлагын баримт» товчоор солино.
Түгээмэл асуулт
НӨАТ-тай нэхэмжлэх яаж гаргах вэ?
«Бараа, ажил, үйлчилгээ» хэсгийн «НӨАТ» сонголтоос «Үнэд НӨАТ 10% орсон» эсвэл «НӨАТ 10% нэмж бодох»-ыг сонгоно. 10%-ийн НӨАТ ба нийт дүн автоматаар бодогдож маягтад бичигдэнэ.
Нэхэмжлэх и-баримтыг орлох уу?
Үгүй. Нэхэмжлэх нь төлбөр шаардах баримт. НӨАТ төлөгч байгууллага борлуулалтын и-баримтыг (ebarimt) тусад нь олгоно.
Нэхэмжлэхийг Word-оор засаж болох уу?
Болно. «Word» товчоор татсан .doc файлыг Microsoft Word-оор нээж засна. Хэвлэхэд бэлэн PDF-ийг «PDF / Хэвлэх» товчоор гаргана.
Мэдээлэл маань хаана хадгалагдах вэ?
Зөвхөн таны хөтөч дээр. Байгууллагын мэдээлэл, лого, тамга, хадгалсан нэхэмжлэхүүд манай серверт илгээгдэхгүй.
Хоосон нэхэмжлэх маягт хаанаас авах вэ?
Энэ хуудасны «Хоосон нэхэмжлэх маягт татах» хэсгээс PDF эсвэл Word хэлбэрээр татаж, хэвлээд гараар бөглөнө.